Zona 15: Luftime në Shqipërinë e Jugut (vazhdim)
- Gjeneral Major De Veer me VIP-at nga Berati (IHU, Hagë)
- Ura në Berat (IHU, Hagë)
- Varr masiv pranë kodrës (IHU, Hagë)
- Kisha te kodra, ndoshta me Kapiten De Jongh (IHU, Hagë)
Gjeneral Major De Veer doli për inspektim jashtë Vlorës në prill 1914. Mes ndalesave të tij ai vizitoi Beratin dhe u konsultua me njerëz të ndryshëm të rëndësishëm të qytetit madhështor (A). Konturet e kalasë së krishterë mund të shihen në sfond. Një urë osmane lidh qytetin e poshtëm mysliman me lagjen e krishtere (B). Në fillim të majit, ai shkoi me shpejtësi në qytetin e Tepelenës. Kur një korpus xhandarmërie shqiptare nën komandën e Majorit De Waal dhe Kapiten Sonne u shfaqën, komitët kishin çuar burrat nga fshati mys;iman i Hormovës në Kodër (në luginën e Vjosës përballë Tepelenës) dhe i vranë ata atje. Thuhej se dyzet burra qenë mbyllur në kishë dhe qenë qëlluar nga burra që gjuanin nga çatia dhe dritaret. Një komision i udhëhequr nga De Veer, hetoi incidentin për Komisionin e Ndërkombëtar të Kontrollit dhe hartoi një raport. Afërsisht 200 trupa pjesërisht të gjymtuar u nxorrën (C). Në kishë hetuesit gjetën gjurmë gjaku dhe vrimat e plumbave; gëzhoja të armëve të vogla u gjetën në çati (D). Fotografia ndoshta tregon Kapitenin De Jongh, Adjutantin e De Veer, në mes.